2019 წელს, გამწვანებისა და ლანდშაფტური დაგეგმარების სამსახურის მიერ 35 ჰექტარ გამწვანებულ ტერიტორიას და 40 000-მდე ხე-მცენარეს, გამწვანებითი და მოვლითი სამუშაოების მიმართულებით ჩაუტარდა მნიშვნელოვანი სამუშაოები.

კერძოდ, ამ პერიოდის განმავლობაში ნიადაგში შეტანილი იქნა 242 კბმ მიწა და 200 კბმ ორგანული სასუქი; 6 ტონა კომბინირებული სასუქი NPK და 9 ტონა აზოტოვანი სასუქი „ამონიუმის“ გვარჯილა; გადაიბარა და ნიადაგი გაუფხვიერდა 12 000 ძირ ახალგაზრდა ხე-მცენარეს, ყოველდღიურად ითოხნება და ნიადაგი უფხვიერდება 13 500 ხე-მცენარეს, დეკორატიული გასხვლა-გაფორმება ჩაუტარდა 13 500 ძირ სხვადასხვა სახის ბუჩქოვან და ახალგაზრდა ხე-მცენარეს, სპეც.ტექნიკის დახმარებით გაისხლა და ტოტები შეეჭრა 4 000 ხე-მცენარეს.

ბათუმის ბულვარის მცენარეთა საკმაოდ მდიდარი გენოფონდი სხვადასხვა ჯიშის 4000 ძირზე მეტი მარადმწვანე და დეკორატიული ხე-მცენარით გამდიდრდა. განახლდა საყვავილე კლუმბები, მეჩხერიანობის სალიკვიდაციოდ გამორგული იქნა 856 ძირი, კერძოდ: წითელი ნეკერჩხალი - 10 ძირი, სოფორა - 5 ძირი, მტირალა ფორმის კედარი - 3 ძირი, ვარდი ჯუჯა - 700 ძირი, დეკორატიული ტყემალი - 15 ძირი, უთხოვარის ხე- 6 ძირი, უთხოვარის ბუჩქი - 4 ძირი, ფიჭვი ზღვისპირა - 20 ძირი, კედარი - 15 ძირი, ტუია - 20 ძირი, კვიპაროსი - 15 ძირი, ცხენის წაბლა - 12 ძირი, ჭაობის კვიპაროსი - 15 ძირი, ცრუ ქაფური - 1 ძირი, მარადმწვანე მუხა - 12 ძირი და მხვიარა ვარდი - 240 ძირი.

გაზაფხული-ზაფხულის თვეებში სოკოვანი და მავნებელ დაავადებათა წინააღმდეგ 15 000 ძირ ხე-მცენარეს ჩაუტარდა 3-ჯერადი წამლობა, კერძოდ: სოკოვანი დაავადებების წინააღმდეგ შეიწამლა მაგნოლიები, ქაფურები, სხვადასხვა სახის პალმები, ხოლო, მავნებელ დაავადებათა წინააღმდეგ - ირმის რქები, ილექსები, დაფნები, ვარდები, სხვადასხვა სახის ბუჩქოვანი მცენარეები და ერთწლოვანი ყვავილები.

ივნისის თვეში მოეწყო იასონ გორდეზიანის სახელობის სკვერი, სადაც დაირგო 4000 ძირზე მეტი სხვადასხვა სახის დეკორატიული ხე-მცენარე.

განახლებულ 3500 კვმ საყვავილე კლუმბებზე დაირგო 450 ათასი ძირი სხვადასხვა სახის ერთწლოვანი ყვავილის ჩითილი.

აღნიშნული სამუშაოების პარალელურად, მთელი ამ პერიოდის განმავლობაში, ყოველდღიურად ტარდებოდა გაზონების გაცელვა - 35 ჰექტარზე (თვეში 3-ჯერ), საყვავილე კლუმბების სარეველებისგან გაწმენდა, მათი მორწყვა, გაზონების დაფოცხვა-დალაგება, ახალგაზრდა ხე-მცენარეების მორწყვა, ხე-მცენარეებზე ხმელი ტოტების მოჭრა და გასხვლა-გაფორმება.

წლის ბოლომდე კი შესრულდება ყველა ის აგროტექნიკური ღონისძიებები, რაც გეგმით არის გათვალისწინებული.