2020 წელს გამწვანებისა და ლანდშაფტური დაგეგმარების სამსახურის მიერ სრულყოფილად შესრულდა ბულვარის მთელ ტერიტორიაზე ყველა ის აგროტექნიკური სამუშაოები, რაც წლის განმავლობაში გეგმით იყო გათვალისწინებული. სრულ პერიმეტრზე ხე-მცენარეების მოვლითი სამუშაოები რამდენიმე მიმართულებით განხორციელდა. კერძოდ: გადაბარვის წინ შეტანილი იქნა 227კბ.მ. ტყის მიწა და 114 კბ.მ. ორგანული სასუქი - საქონლის ნაკელი. 6,5 ტონა მინერალური სასუქი (ამონიუმის გვარჯილა და კომბინირებული სასუქი NPK). მთელი წლის განმავლობაში ნიადაგი უფხვიერდებოდა 27 ათას ძირ ახალგაზრდა ხე-მცენარეს. ასევე გაზაფხულსა და შემოდგომაზე დეკორატიული გასხვლა-გაფორმება ჩაუტარდა 15 500 ძირ სხვადასხვა სახის ბუჩქოვან და ახალგაზრდა ხე-მცენარეებს.

მავნებელ დაავებათა წინააღმდეგ შხამქიმიკატებით 5-ჯერ შეიწამლა დაფნები, ირმის რქები, ვარდები, ილექსები, მარადმწვანე მუხები, სხვადასხვა სახის ბუჩქოვანი მცენარეები და ერთწლოვანი ყვავილები, ამასთან ერთად ჰერბიციდებით შეიწამლა 250 ათას კვ.მ.-ზე სავალი გზები, მოედნები, სანაპირო ზოლი სარეველა ბალახების მოსასპობად.

საყვავილე კლუმბებში, გაზაფხულსა და შემოდგომაზე დაირგო 491 420 ძირი სხვადასხვა სახის ერთწლიანი ყვავილის ჩითილი, მათ შორის: გაზაფხულზე - 318 920 ძირი და შემოდგომაზე - 172 500 ძირი, მეჩხრიანობის სალიკვიდაციოდ კი დარგული იქნა 1355 ძირი დეკორატიული ხე-მცენარის ნერგი. აღსდგა გადათელილი გაზონები და დაეგო კორდის ბელტი 3500 კვ.მ.-ზე.

შესაბამისი ღონისძიებები ჩატარდა ახალგაზრდა ხე-მცენარეებისა და პალმების გამოსაზამთრებლად. 7550 ძირ ახალგაზრდა ხე-მცენარეს დაესო ჭიგო და აიკვრა, ხოლო 2500 ძირზე მეტ ახალგაზრდა პალმის ჯიშებს.

აღნიშნული სამუშაოების პარალელურად, მთელი სეზონის განმავლობაში, ყოველდღიურად ტარდებოდა ისეთი სახის სამუშაოები, როგორიცაა გაზონების გაცელვა 35 ჰექტარზე თვეში 2-3-ჯერ. სისტემატიურად ირწყვებოდა გვალვის დროს ერთწლიანი ყვავილები და ახალგაზრდა ხე-მცენარეები, სარეველებისაგან იწმინდებოდა და ითოხნებოდა საყვავილე კლუმბები და ქოთნები, პალმებისა და ხე-მცენარეების შტამპები იწმინდებოდა ხავსისა და ხმელი ტოტებისაგან და სხვა.